गरोदरपणात खाऊ नये जास्त बडीशेप, नाहीतर होईल अनर्थ!

प्रेग्नेंसीमध्ये सतत मळमळत असल्याने अनेक महिला आयुर्वेदिक उपायांचा आधार घेतात. त्यामधीलच एक गोष्ट म्हणजे बडिशेप देखील मोठ्या प्रमाणात खाल्ली जाते. पण गर्भावस्थेत बडिशेप खाणं खरंच लाभदायक आहे का? की बडिशेपमुळे गर्भवती स्त्रीला काही धोका असतो? या सर्व प्रश्नांची उत्तरे जाणून घ्या या खास लेखातून!

गरोदर राहिल्यावर स्त्रीच्या खाण्या पिण्यात खूप फरक पडतो. तिला आपला आहार अतिशय जबाबदारीने घ्यावा लागतो. कारण आता तिच्यावर फक्त स्वत:च्या नाही तर आपल्या बाळाच्या जीवाची सुद्धा जबाबदारी असते. हा आहार जितका पौष्टिक असेल तितकं बाळ आणि आईचं स्वास्थ सुदृढ राहतं. कधीकधी घरगुती उपचार म्हणून गरोदर स्त्री काही पदार्थ खाते. त्यापैकी एक पदार्थ असा आहे जो खाल्ल्याने काही जण म्हणतात कि आईला फायदा होतो तर काही जणांचं असं मत आहे कि हा पदार्थ अजिबात खाऊ नये नाहीतर आई आणि बाळ दोघांना धोका पोहचू शकतो. तो पदार्थ म्हणजे बडीशेप! आज आपण याच मतमतांतराचा मागोवा घेऊन हे जाणून घेऊया की बडीशेप खाणे गरोदर स्त्रीसाठी खरंच धोकादायक आहेत का? आणि ते धोकादायक असेल तर त्यामुळे काय धोका उद्भवू शकतो?

गरोदरपणात बडीशेप खावी का?

ही गोष्ट फार कमी जणांना माहित असेल की बडीशेपमध्ये नैसर्गिकरित्या मासिक पाळीला उत्तेजित करणारे गुणधर्म असतात, म्हणून गरोदरपणात अतिशय कमी प्रमाणात बडीशेप खाण्याचा सल्ला दिला जातो. दिवसाला केवळ एक चमचा बडीशेप खाल्याने काही हानी होत नाही. पण त्यापेक्षा जास्त बडीशेप खाल्ल्यास अनर्थ होऊ तुमचा गर्भपात सुद्धा होऊ शकतो. म्हणून गरोदरपणात बडीशेप खाण्यावर खूप नियंत्रण ठेवावे. तुमच्या ओळखीतल्या लोकांना सुद्धा आवर्जून ही गोष्ट सांगा आणि या धोक्याबद्दल माहिती द्या.

गरोदरपणात बडीशेप खाण्याचे फायदे

बडीशेप जास्त खाल्ल्याने जरी गरोदर स्त्रीला धोका असला तरी मर्यादित प्रमाणित बडीशेप खाल्ल्याने मात्र गरोदर स्त्रीला फायदे होऊ शकतात. बडीशेपची चहा प्यायल्याने मोर्निंग सिकनेस आणि मळमळीची समस्या दूर होते. गरोदरपणाच्या पहिल्या तिमाहीत या समस्या मोठ्या प्रमाणावर होत असल्याने यावर बडीशेप रामबाण ठरते. गरोदरपणात पोट फुगते आणि त्यावरही बडीशेप उपयुक्त ठरते. बडीशेप मुळे भूक वाढते. अपचन होत असल्यास सुद्धा बडीशेप खावी त्यामुळे अपचनाच्या समस्येतून आराम मिळतो.

गरोदरपणात बडीशेप खाण्याची पद्धत

बडीशेप ही गोड आणि सुगंधी असते. बरेच जण अनेक डिशेस मध्ये बडीशेपचा वापर करतात. पण सामान्यत: जेवण झाल्यावर लोक बडीशेप खाणे पसंत करतात. गरोदर स्त्रीने सुद्धा जास्तीत जास्त एक चमचा बडीशेप दिवसातून खावी. बडीशेप घातलेला कोणताही पदार्थ जास्त खाऊ नये. कारण त्यात मोठ्या प्रमाणात बडीशेपचा वापर केलेला असल्यास शरीरात जास्त प्रमाणात बडीशेपची मात्रा जाऊन आई व बाळ दोघांसाठी नुकसान उद्भवू शकते.

गरोदरपणात बडीशेप खाण्याचे दुष्परिणाम

आता आपण जाणून घेऊया की बडीशेप खाल्ल्याने गरोदर स्त्रीला काय धोके निर्माण होऊ शकतात. गरोदरपणात बडीशेप रक्त जमण्याच्या क्षमतेवर प्रभाव टाकते आणि रक्त प्रवाहाच्या व निर्माणाच्या प्रक्रीयेत बदल घडतो. ही प्रक्रिया संथ होते. जर तुम्हाला एखादा रक्तपाताचा विकार असेल तर बडीशेप अजिबात खाऊ नका. बडीशेप खाल्ल्याने त्वचा रखरखीत होते. ज्या गरोदर स्त्रियांची त्वचा संवेदनशील आहे त्यांनीही गरोदरपणात बडीशेप अजिबात खाऊ नये. बडीशेपमध्ये फाइटोएस्‍ट्रोजेनिक आणि सूज विरोधी गुणधर्म असतात जे गर्भाशयाला उत्तेजित करतात. यामुळे नऊ महिने पूर्ण होण्याआधी मोठी समस्या निर्माण होऊ शकते. हे दुष्परिणाम लक्षात ठेवून शक्य तितके कमी बडीशेपचे सेवन करा आणि सुरक्षित राहा.

बडीशेप खाल्ल्याने गर्भपात होतो

अनेक लोकांचा या गोष्टीवर विश्वास नाही की बडीशेप खाल्ल्याने गर्भपात होतो. त्यांच्या मते एवढीशी बडीशेप गर्भपात कसा काय घडवू शकते. पण मंडळी ही गोष्ट अगदी खरी आहे. गरोदरपणात बडीशेप खाल्ल्याने मासिक पाळीवर परिणाम पडू शकतो आणि वजाइनल ब्‍लीडिंग होऊन तुमच्या नकळत गर्भपात होऊ शकतो. म्हणूनच बडीशेप खाताना गरोदर स्त्रीने खूप काळजी घ्यावी आणि दिवसाला एक चमचा पेक्षा जास्त बडीशेप खाऊ नये. केवळ बडीशेपच नाही तर गरोदर स्त्रीला आणि बाळाला धोका पोहचवतील अशा पदार्थांचे जास्त सेवन करू नये आणि सेवन कराचे झाल्यास डॉक्टरांच्या सल्ल्यानेच करावे.