मराठी सिनेसृष्टीतील अभिनेत्री मयुरी देशमुख हिच्या पतीनं आत्महत्या केली आहे.
नांदेड : 'खुलता खळी खुलेना' मालिकेतून घराघरांत पोहोचलेली अभिनेत्री मयुरी देशमुख हिचा पती अभिनेता आशुतोष भाकरे यानं आत्महत्या केल्याचं समोर आलं आहे. आशुतोषनं राहत्या घरी गळफास घेतला असून या घटनेनं त्यांच्या कुटुंबियांना मोठा धक्का बसला आहे.
आशुतोषच्या आत्महत्येचं कारण अद्यापही समोर आलं नाही. काही दिवसांपूर्वी आशुतोषनं आत्महत्येसंदर्भात एक व्हिडिओ शेअर केला होता. या व्हिडिओत माणूस आत्महत्येचं पाऊल का उचलतो याबद्दल सांगण्यात आलं होतं. त्यानंतर आशुतोषनं हे पाऊल उचलल्यानं सर्वांनाच धक्का बसला आहे. दरम्यान, पोलिसांनी या प्रकरणाता तपास सुरू केला आहे.
आशुतोषनं ‘भाकर’, ‘इच्यार ठरला पक्का’ या चित्रपटात काम केलं आहे. २० जानेवारी २०१६ रोजी मयुरी आणि आशुतोष विवाहबद्ध झाले होते.
खुलता खळी खुलेना मालिकेून मयुरी घरोघरी पोहोचली. त्यानंतर तिनं व्यावसायिक नाटकांमध्येही काम केलं.
आशुतोषचे आई-वडील नांदेडमधील ख्यातनाम डॉक्टर आहेत.
गेल्या वर्षी 'बिग बॉस मराठी'च्या दुसऱ्या पर्वात सहभागी होणाऱ्या कलाकारांबाबत सध्या तर्कवितर्क लावले जात असतना सोशल मीडियावर मयुरीचं नाव चर्चेत आलं होतं. परंतु, खुद्द मयुरीनं या सगळ्या अफवा असल्याचे स्पष्ट केलं होतं. 'बिग बॉस मराठी २ मध्ये सहभागी होण्यासाठी माझ्याशी संपर्क साधला गेला होता हे खरं आहे. परंतु, मी शोमध्ये सहभागी होणार नाहीए. मला वाटते मी या शोसाठी योग्य व्यक्ती नाही. मला माझं खासगी आयुष्य शांतपणे जगायला आवडतं. माझ्या खासगी आयुष्यातील गोष्टी मी लोकांशी शेअर करत नाही. शिवाय, बिग बॉसच्या तारखा आणि माझ्या आगामी चित्रपटाच्या चित्रीकरणाच्या तारखा सारख्याच असल्यानं मला होकार देणं शक्य नव्हतं.' असं ती म्हणाली होती.
आशुतोषने फेसबुरवर काही दिवसांपूर्वी एक व्हिडीओ शेअर केला होता. या व्हिडीओतील व्यक्ती माणूस आत्महत्या का करतो? याबाबत विश्लेषण करताना दिसत होती. मात्र, तरीही आशुतोष इतका टोकाचा निर्णय घेईल, अशी कुणाला कल्पना नव्हती. आशुतोष गेल्या काही दिवसांपासून नैराश्यात होता, अशी प्राथमिक माहिती समोर येत आहे. त्याने आज (29 जुलै) सकाळी 11 ते 12 वाजेच्या सुमारास राहत्या घरी गळफास घेऊन आत्महत्या केली.
2017 साली मयुरीने ‘व्हॅलेन्टाईन डे’च्या निमित्ताने ‘लोकसत्ता’साठी लिहिलेल्या लेखात आपली लव्हस्टोरी सांगितली होती.
No comments:
Post a Comment