कडकनाथ कोंबडी खाल्ली का? होमिओपॅथी आणि मानसिक विकारासाठी होतोय वापर!

 …म्हणून कडकनाथ कोंबडीची किंमत साध्या कोंडीपेक्षा जास्त असते. जाणून घ्या कडकनाथ कोंबडीचे औषधी गुणधर्म

मेजवानी किंवा पार्टी , हा शब्द उच्चारताच मांसाहारी खवय्यांना कोंबडीचा चमचमीत ,झणझणीत रस्सा आठवला नाही तर नवलच. मांसाहारी लोकसंख्येपैकी बहुतांश लोकसंख्या ही कोंबडीचे मांस खाण्याला प्राधान्य देतात. कोंबडीच्या प्रजातींमध्येसुद्धा आपल्याला निरनिराळ्या भागांमध्ये तेथील हवामान ,खाद्यसंस्कृती यानुसार निरनिराळ्या प्रजाती आढळून येतात. अशीच एक कोंबडीची प्रजाती सध्या त्याच्या मांस व अंड्याच्या  चवी सोबतच औषधी गुणधर्मामुळे चर्चेत आहे.

कोंबडी ची ही  प्रजाती म्हणजे कडकनाथ कोंबडी होय. अलीकडच्या काळामध्ये कडकनाथ कोंबडी पालनाचे प्रमाण भारताच्या बहुतांश भागांमध्ये वाढल्याचे दिसून येते. या कडकनाथ कोंबडीच्या पालना मधून प्रचंड नफा मिळत असल्याचे चित्र समोर आल्यामुळे महाराष्ट्रात सुद्धा अनेक शेतकरी व कुकूटपालन उद्योजकांनी कडकनाथ कोंबडीचे पालनाचा उद्योग सुरू केले मात्र यामध्ये मध्यंतरीच्या काळात फसवणूक झाल्याच्या चर्चा होत्या. त्यामुळे कडकनाथ कोंबडी म्हणजे नक्की काय आहे व या कडकनाथ कोंबडी चे वैशिष्ट्य काय आहे हे जाणून घेण्याची उत्सुकता सर्वांमध्ये निर्माण झाली. आज आपण कडकनाथ कोंबडीची वैशिष्ट्य जाणून घेणार आहोत.

कडकनाथ कोंबडी भारतीय कोंबड्याची प्रजाती असून तिला काली मासी म्हणजे काळे मांस असलेली कोंबडी असे म्हटले जाते. कडकनाथ कोंबडी किंवा काली मासी इंडोनेशियातील आयाम केमिया कोंबडीच्या प्रजातीशी मिळतेजुळते आहे. कडकनाथ कोंबडी भारतातील राजस्थान आणि गुजरात मधील धर आणि झाबुआ प्रदेशांमध्ये मुख्यत्वे आढळते. कडकनाथ कोंबडी मुख्यत्वे गुजरात आणि राजस्थान मधील आदिवासी ,वनवासी द्वारे संवर्धित केली जाते.

गुजरात आणि राजस्थान मधील ग्रामीण भागामध्ये कडकनाथ कोंबडी ला पवित्र मानले जाते व दिवाळीनंतर तेथील देवतेला कडकनाथ कोंबडीचा नैवद्य अर्पण केला जातो. कोंबडी चे प्रमुख तीन प्रकार आहेत जेट ब्लॅक, गोल्डन आणि पेन्सील हे तीन प्रकार कडकनाथ कोंबडीचे आहेत.कडकनाथ कोंबडीचे सर्वात महत्वपूर्ण वैशिष्ट्य व शरीराला होणारा फायदा म्हणजे अन्य प्रजातीच्या कोंबड्यांच्या मांसापेक्षा कडकनाथ कोंबडीच्या मांसामध्ये कमी प्रमाणात फँट असतात.

कडकनाथ कोंबडीच्या बाबतीत जॉग्रफिकल इंडिकेशन अर्थात भौगोलिक संकेतांक भारत सरकारने कडकनाथ कोंबडीच्या मांसाला भारत सरकारने 2018 साली भौगोलिक संकेतांक प्रदान केला आहे. कडकनाथ कोंबडी चा रंग करडा किंवा काळा असतो. त्याचप्रमाणे कडकनाथ कोंबडीचे मांस आणि अंडी सुद्धा  काळ्या रंगाची असतात. कडकनाथ कोंबडी चा रंग काळा असण्यामागे मेलँनिन या घटकाचा प्रभाव असल्याचे सांगितले जाते.

कडकनाथ कोंबडीचे मूल्य हे अन्य कोंबड्यांच्या मूल्यापेक्षा  अधिक असते याचे प्रमुख कारण म्हणजे कडकनाथ कोंबडी वरील औषधी गुणधर्म होय. कडकनाथ कोंबडी मध्ये साधारण 25 टक्के इतके प्रोटीन असते तर अन्य कोंबड्यांच्या मांसामध्ये सर्वसाधारणपणे 18 टक्के इतके असते.

कडकनाथ कोंबडीच्या मांसामध्ये मोठ्या प्रमाणात अमिनो असिड व सर्व विटामिन्स असतात जी आपल्या शरीराला रोगप्रतिकारक शक्ती वाढविण्यास साहाय्य करतात. कडकनाथ कोंबडीची अंडी व मांस रक्तदाबाच्या विकारांवर लाभदायी ठरतात असे काही संशोधनांमध्ये आढळून आलेला आहे.

कडकनाथ कोंबडीची अंडी व मांस कोलेस्टेरॉल कमी असल्यामुळे डायट साठी व ह्रुद्यविकारांवर सुद्धा प्रभावी ठरते. कोंबडीचे मांस काही औषधांमध्ये कामोत्तेजना वाढवणार्‍या औषधांमध्ये वापरले जाते. अस्थमा ,टीबी, दमा यासारख्या विकारांवर सुद्धा कडकनाथ कोंबडीचे मांस व अंडी उपाय योजना करू शकतात असे काही औषधांमध्ये दिसून आले आहे.

कडकनाथ कोंबडी तिच्या  औषधी गुणधर्मांमुळे साधारण कोंबड्याच्या पेक्षा अधिक मूल्याने विकली जाते. साधारण सर्वसाधारण कोंबडीचे मूल्य प्रतिकिलो दोनशे रुपये ते चारशे रुपये प्रतिकिलो असून  कडकनाथ कोंबडीचे मुल्य प्रति किलो बाराशे रुपये ते पंधराशे रुपये प्रति किलो इतके असते. कोंबडीच्या मांस सेवनामुळे त्वचेचे विकार ,हृदय विकार, रक्तविकार सुद्धा दूर ठेवले जाऊ शकतात.