आपल ठेवायच झाकुन, दुसऱ्याच बघायच वाकुन
आपले झांकी अवगुण ।
पुढिलांस बोले कठिण ।
मिथ्या गुणदोषेंविण ।
गुणदोष लावी ।।
।। जय जय रघुवीर समर्थ ।।
मराठी मधे एक वाक्यप्रयोग वारंवार होताना दिसतो मला सुद्धा तो हल्लीच माहिती झाला तो असा - आपल ठेवायच झाकुन, दुसऱ्याच बघायच वाकुन - यातील चांगला वाईट भाग जो असेल तो क्षणभर बाजुला ठेवा आणि भावार्थ पहा, तो असा की दुसऱ्यामधील दोष पहायचे आणि सहज दिसले नाहीत तर ते शोधुन काढायचे आणि एवढ्यावरच थांबायचे नाही तर त्या दोषांचा जगभर डांगोरा पिटायचा हा मानवी स्वभाव आहे. तुमच्या आमच्या सगळ्यांच्या स्वभावात हा गुण आहेच. हा गुण संसारात आणि परमार्थात देखील आपल्या प्रगतीच्या मार्गात मोठा अडथळा ठरतो. साधे उदाहरण पहा, आपल्या घरचे लाईट(वीज) गेले तर आपण प्रथम घरात काय असेल ते कंदील, मेणबत्ती लावायला पाहिजे की नाही? ते आपण करत नाही. आपण प्रथम काय करतो तर घराच्या बाहेर येऊन पहातो की आपलेच गेले आहेत दिवे की इतरांचे देखील गेले आहेत. इतरांचे देखील दिवे गेले आहेत हे पाहिले की मग आपले दिवे गेल्याचा आपल्याला त्रास होत नाही. बरोबर आहे ना ? थोडक्यात काय? दुसऱ्याचे वाईट गुण पाहिले की आपल्यातील दुर्गुण आपल्याला टोचत नाहीत. वास्तविक समर्थ शिकवण अशी की आपली सफ़ाई आपण करावी इतरांची सफ़ाई करायला जावु नये. पण ते काही अजुन तुमच्या आमच्या सारख्याला जमत नाही.थोडा प्रयत्न करन पहा. बघुयात समर्थ प्रयत्नांना कधी यश देतात ते....
ll जय सदगुरू ll
No comments:
Post a Comment